శనైశ్చర జయంతి విశేషాలు – శని దోష నివారణకు శక్తివంతమైన ఆరాధన

శనైశ్చర జయంతి

👉 శని అనే పేరు వినగానే చాలామంది కలవర పడతారు.

ఆయన హాని కారకుడన్న నమ్మకం స్థిరపడిపోవడమే దీనికి కారణం.

మన జ్యోతిష శాస్త్రం ప్రకారం, గ్రహాలు తొమ్మిది. వాటి సంచారం, గమన విధానం వల్ల ప్రకృతిలో, వాతావరణంలో అనేక మార్పులు కలుగుతాయి.

అలా ప్రభావం చూపే నవగ్రహాల్లో శనిది ఏడో స్థానం, శని.

జ్యోతిష, ఖగోళ, ఆధ్యాత్మిక విషయాలకు కేంద్రబిందువు.

వైశాఖ అమావాస్య నాడు శని జయంతిని జరుపుకోవడం వల్ల ప్రతికూల గ్రహ ప్రభావాలు తగ్గి జీవితంలో స్థిరత్వం వస్తుందని, శుభ ఫలితాలు కలుగుతాయని చెబుతారు.

శనైశ్చర జయంతినాడు శనిని పూజిస్తే శనిగ్రహ దోషాలు తొలుగుతాయి.

ఏలినాటి శని, అష్టమ శని, అర్ధాష్టమ శని జరుగుతున్న రాశుల వారు ముఖ్యంగా శనిని ఆరాధించాలి.

శని దోష పరిహారం కోసం ఎవరు పూజ చేయాలి?

ఇవి కాకుండా వ్యక్తిగత జాతక రీత్యా శని మహాదశ లేదా అంతర్దశ జరుగుతున్న వారు, జాతకంలో శని ఇబ్బందికర స్థానాలలోను ఉండగా జన్మించిన వారు గానీ ఉంటే వారు తప్పనిసరిగా శని దోష పరిహారం కోసం శనిని తప్పనిసరిగా పూజించాలి.

శని ఆరాధనలో ముఖ్యమైనవి

శని ఆరాధనకు ముఖ్యమైనవి నలుపు రంగు పదార్ధాలు, నువ్వులు.

• తప్పనిసరిగా నువ్వుల నూనెతో దీపం వెలిగించాలి.
• నువ్వుల నూనెతో అభిషేకం చేయాలి.
• నల్ల నువ్వులు, సల్లని వస్త్రం సమర్పించాలి.
• నీలిరంగు పుష్పాలతో పూజ చేయాలి.
• సల్ల నువ్వులు, బెల్లంతో తయారుచేసిన చిమ్మిలిని నైవేద్యంగా సమర్పించాలి.
• అవకాశం ఉన్నవారు నల్ల నువ్వులు, బియ్యం దానంగా సమర్పించాలి.

శనిత్రయోదశి విశేషం

శనికి ఇష్టమైన తిథి త్రయోదశి. ఆయన పేరుతో రూపొందిన శనివారంనాడు ఈ తిథి కలిస్తే శనిత్రయోదశిగా పరిగణిస్తారు.

ఇది ఏ నెలలోనైనా, ఏ పక్షంలోనైనా రావచ్చు. ఒక నియమిత మాసంలో రాదు.

శని ‘పేదల పక్షపాతి' అనే నానుడి ఉంది. పేదవారికి సేవ చేస్తే ఆయన సంతోషిస్తాడని, అనుగ్రహిస్తాడని పురాణాలు చెబుతున్నాయి.